Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të LDK-së, Avdullah Hoti ka shprehur bindjen e tij se presidenti i Kosovës, Hashim Thaçi nuk do ta udhëheqë dialogun me Serbinë, pasi sipas tij ai nuk ka mandat për të vendosur për këtë çështje. “Qytetarët e Kosovës, përmes zgjedhjeve të lira, do të vendosin se kush do ta udhëheqë dialogun me Serbinë. Një gjë është e qartë që tani se ai person nuk do të jetë z.Thaçi, pasi ai në bazë të Kushtetutës së Kosovës nuk ka mandat të vendos për këto çështje”, ka shkruar Hoti
Hoti më tutje ka ftuar Thaçin të qëndrojë brenda kompetencave që ia jep Kushtetuta e Kosovës.
“Deklarimet e tij janë në kundërshtim me Kushtetutën e Kosovës. Në vend që të jetë garant i rendit kushtetues të Republikës së Kosovës, ai është duke e cenuar çdo ditë atë dhe për këtë duhet të flasë Gjykata Kushtetuese”, ka shkruar ai.
Sipas Hotit presidenti i Kosovës e ka nxjerrë jashtë funksionit gjithë diplomacinë kosovare.
“Dëmet që z.Thaçi me deklarimet e tij antikushtetuese është duke ia bërë shtetësisë së Kosovës në arenën ndërkombëtare janë të mëdha. Ai e ka nxjerrë jashtë funksionit krejt diplomacinë e Kosovës, si dhe diplomacinë e vendeve mike, duke stopuar plotësisht njohjet e reja dhe anëtarësimin në organizata ndërkombëtare të shtetit të Kosovës. Qytetarët e Kosovës e kanë vendosur fatin e Kosovës si shtet i pavarur, i integruar në BE dhe NATO dhe në miqësi të përhershme me SHBA. Këtë nuk mund ta zhbëjë askush”, ka thënë Hoti.
