Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësues politikë të shqiptarëve të Kosovës Lindore thonë se ëndrra e tyre është bashkimi me Republikën e Kosovës, por të mos ndodhë bashkimi i pjesshëm vetëm i Preshevës pa Bujanocin dhe pa Medvegjën. Zyrtarë të Presidencës së Kosovës kanë konfirmuar se në takimin e radhës, i cili do të zhvillohet në Bruksel me palën serbe në kuadër të fazës finale të dialogut, do të diskutohet edhe kërkesa e shqiptarëve të Kosovës Lindore për bashkim me Kosovën, shkruan “Zëri”. Madje kryetari Hashim Thaçi në një postim të tij ka shkruar se edhe ish-kryetari Ibrahim Rugova ka qenë pro shkëmbimit të territoreve. “‘Jo ndarje të Kosovës, por po shkëmbimit të territoreve’, ky ishte qëndrimi realist dhe i guximshëm i presidentit Ibrahim Rugova në vitin 1994. Ndërsa qëndrimi im sot si president i Republikës së Kosovës ka evoluar dhe është i qartë: jo ndarje, jo shkëmbim, po korrigjimit të kufirit ndërmjet Kosovës dhe Serbisë për të mundësuar bashkëngjitjen e Preshevës, të Bujanocit dhe të Medvegjës me Kosovën”, ka shkruar Thaçi.
