Mbahet dëgjim publike me përfaqësues të grupit të Grave

27/08/2018 Institucionet

Nën kryesimin e kryesuesit të Komitetit për Politik dhe Financa (KPF), Afrim Dina, në sallën e Kuvendit Komunal të Rahovecit, u mbajt dëgjimi publik me përfaqësues të grupit të Grave-Buxhetimi gjinor dhe të gjitha OJQ-të për përgatitjen e buxhetit të vitit 2019. Në hapje të dëgjimit publik kryesuesi i KPF-së, Afrim Dina tha se ne jemi këtu në këtë takim që të marrim nga ju kërkesat tuaja, por ju lus që kërkesat që ju i keni ti shënoni bazuar edhe në prioritetet që ju  i keni, ti protokolloni dhe ti dërgoni tek zyra e kryesuesit të kuvendit. Adelina Paqarizi, drejtoreshë e Shoqatës së Pavarur të Gruas ”Hareja”, në qytetin e Rahovecit tha se ne si shoqatë kemi kërkesë që në kuadër të buxhetit të vitit 2019, të ndahet një buxhet për trajtimin e fëmijëve me nevoja të veçanta, pasi që vërtetë kemi kërkesa nga prind të cilët kanë fëmijë me nevoja të veçanta dhe lirimi i trotuareve nga kërrigat dhe tavolinat e lokaleve. Florije Boshnjaku, anëtare e KPF-së dhe kryetare e grupit joformal të grave asambleiste tha se në takimet që ka pasur me gra, nëpër lokalitetet të ndryshme të komunës kërkesat kanë qenë këto: ndërtimi i çerdheve, organizimi i mbajtjes së mësimit joformal të grave, mbështetja e projektit që ka të bëjë me analizat e kancerit të mitrës, rregullimi i trotuareve për qasje më të lehtë të nënave me karroca të fëmijëve dhe  rregullimi i stacioneve të pritjes së autobusit nëpër fshatra.

Kontrolloni gjithashtu

Titujt e Kampionëve nuk kanë të ndalur për skuadrat ferizajase

Ferizaj ka shkruar histori në volejbollin e Kosovës duke fituar titullin e dytë të kampionit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara