Shoqëria Lëvizja kërkon nga Prokuroria Speciale zbardhjen e vrasjeve të 16 të burgosurve politik

Shoqëria Lëvizja kërkon nga Prokuroria Speciale zbardhjen e vrasjeve të 12 lëndëve të të burgosurve politik

Sot, shoqëria Lëvizja ka dorëzuar 12 lëndë për hetim në Prokurorinë Speciale. Këto lëndë hetimi janë për vrasjen dhe mbytjen në tortura të burgosurve politik, të cilit ishin drejtues të Lëvizjes Popullore të Kosovës dhe Lëvizjes Kombëtare. Xhevat Bislimi, kryetar i shoqërisë Lëvizja, tha se këto lëndë u dërguan për t’u hetuar vrasja e veprimtareve të lëvizjeve popullore, në mesin e të cilëve janë emrat e veprimtarëve, Shaban Shalës,  Kadri Zekës, vëllezërve Gërvalla, Nuhi Berisha, Rexhep Mala, Fahri Fazliu, Afrim Zhitia, Ukshin Hoti, etj. Bislmi ka njoftuar se ndërkohë do të dorëzojnë dhjetëra lëndë të tjera për vrasjen e të burgosurve politik. Ai tha se shpreson që prokuroria t’i hetojë këto raste, në mënyrë që shoqëria ta ketë ndërgjegjen e qetë dhe populli ta dijë për fatin e tyre. Kurse Bajram Ajeti nga kjo shoqëri, tha se është detyrë e prokurorisë t’i ndriçojnë rastet dhe të zbardhen. Ai shtoi se mbase përgjegjësit për këto raste sot po shëtitën të lirë, por tha se sot nuk do të përmendë emra. Në këto lëndë hetimi që janë dërguar sot, janë rastet e 12 të burgosurve politik.

Kontrolloni gjithashtu

LDK e mbledh kryesinë e partisë për të vendosur nëse do ta përkrah kandidaturën e Vjosa Osmanit për kryetare të Kosovës

LDK: Zgjidhja është fare e thjeshtë, fillimisht duhet dorëheqja e kryeministrit dhe pastaj, shpërbërja e Kuvendit

Në një  komunikatë  të LDK-së, lidhur me zgjedhjet e parakohshme thuhet se: pas tre vjet …