Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
LDK-ja dhe Lëvizja Vetëvendosje kanë ftuar seancë të jashtëzakonshme të Kuvendit për këtë të enjte me synimin që të votohet një rezolutë, e cila do t’i ndalonte kryetarit Thaçi diskutimet për kufijtë e vendit me Serbinë. Por nuk dihet nëse kjo iniciativë do të përkrahet edhe nga partitë e koalicionit qeverisës, të cilat e kundërshtojnë po ashtu idenë e kryetarit. Dy partitë opozitare, Lidhja Demokratike e Kosovës dhe Lëvizja Vetëvendosje për këtë të enjte (më 1 nëntor) kanë thirrur seancë të jashtëzakonshme të Kuvendit me synimin që të votohet rezoluta, e cila do t’ia ndalonte presidentit të vendit Hashim Thaçit diskutimin për çështjen e kufijve me Serbinë. Por këtë iniciativë të këtyre dy partive nuk është e sigurt nëse do ta mbështesë edhe partia tjetër opozitare, Partia Socialdemokrate e as partitë tjera të koalicionit qeverisës që nuk e mbështesin idenë e Thaçit për kufijtë. Naser Rugova, deputet i LDK-së, i ka thotë se janë duke bërë përpjekje që më 1 nëntor 2018 ta sigurojnë kuorumin e nevojshëm për mbajtjen e seancës së Kuvendit dhe votimin e rezolutës. Ai është shprehur optimist që edhe deputetë të pozitës do ta përkrahin këtë seancë të jashtëzakonshme.
