Hoxha: Qëndrimet e Sholtes dhe Fajon rikonfirmojnë vizionin dhe besimin tonë, në punën e përbashkët me BE-në

Ministrja e Integrimit Evropian, Dhurata Hoxha, sot ka vlerësuar lartë deklaratat e eurodeputetit dhe raportuesit për Kosovën Igor Sholtes si dhe raportueses së Parlamentit Evropian për Kosovën,  Tanja Fajon. “Dy qëndrimet e sotme, të Z. Sholtes dhe znj. Fajon, janë për çdo respekt, ngase, rikonfirmojnë qëndrimet tona, vizionin dhe besimin tonë, në punën dhe përkushtimin e përbashkët me BE-në dhe faktorët tjerë relevantë për liberalizim. Ne presim nga Këshilli i Ministrave që të përdorin standarde të njëjta për çështjen e njëjtë, këtë e meritojnë qytetarët tanë. Madje, në rastin tonë, vlerat e BE-së, nuk presim të bien ndesh me vlerat e proklamuara, edhe për Kosovën!”, ka shkruar ajo.