Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Ramush Haradinaj ka potencuar edhe një herë se taksa e vendosur ndaj prodhimeve serbe do të mbetet në fuqi deri atëherë kur të ndodhë njohja e Kosovës nga Serbia dhe se askush nuk duhet të kalkulojë ndryshe. Këto komente, kreu i Qeverisë, i ka bërë gjatë Konventës së parë të Prodhuesve të Kosovës, që është organizuar nga Klubi i Prodhuesve të Kosovës. Ndër të tjera, Haradinaj ka thënë se kjo taksë është vendosur për faktin se prodhimet e Kosovës nuk kanë pasur mundësi të depërtojnë në Serbi dhe Bosnjë, transmeton kp. Po ashtu, ai tha se shumë operatorë të Serbisë operojnë në Kosovë si një treg i hapur, ndërsa asnjë nga Kosova nuk ka mundur të operojë atje dhe pikërisht për këtë, siç theksoi ai, sfida në një mënyrë nuk është e keqe, duke thënë se ai që ka arritur sot shumë, ka pasur të kaluar jo të lehtë. I pari i Qeverisë së Kosovës, ka thënë se tani është koha t’u jepet përparësi produkteve vendore, ndërsa ua tërhoqi vërejtjen prodhuesve të mos manipulojnë me çmime.
