Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Kuvendin e Kosovës do të mbahet seanca në të cilën pritet të votohet rezoluta për dialogun. Pjesë e kësaj rezolute pritet të jetë edhe Partia Socialdemokrate e Shpend Ahmetit i cili do të jetë në krye të ekipit negociator me Fatmir Limajn. Ndërkohë në hollin e Kuvendit ka folur deputeti i PSD-së, Frashër Krasniqi i cili është shprehur se e gjithë kjo rezolutë është për të mirën e vendit. Krasniqi është shprehur se për here të parë politika po bëhet së bashku përballë Serbisë. Ai u ka bërë thirrje edhe Lidhjes Demokratike të Kosovës dhe Lëvizjes Vetëvendosje të marrin pjesë në këtë seancë dhe të bëhen pjesë e procesit të dialogut pasi është në interesin e vendit. “Nuk kanë pasur asnjë vërejtje në lidhje me rezolutën”, ka thënë Krasniqi kur është pyetur pse LDK e Vetëvendosje nuk po marrin pjesë në këtë seancë.
