Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Matthew Palmer, zëvendësndihmësi i Sekretarit amerikan të Shtetit pritet të jetë në krye të “misionit të paqes” ndërmjet Serbisë e Kosovës . Ai po ashtu pritet ta ketë njërin nga rolet kryesore në bisedimet e ardhshme ndërmjet dy palëve. Kështu ka shkruar sot gazeta e Beogradi “danas” duke u thirrur, siç thotë, në burime perëndimore. Ajo shton se ende nuk është caktuar negociatori kryesor i i SHBA-së në fazën vijuese të negociatave, e cila, siç thuhet, do të jetë përfundimtare kur bëhet fjalë për zgjidhjen e çështjes së Kosovës, porse njërin nga rolet kryesore gjithsesi se do ta ketë Palmeri i pranishëm qe më shumë se dy dekada në Ballkanin Perëndimor. Kjo gazetë përkujton edhe deklaratën e e tij, kur në Beograd kishte thënë se lidhur me Kosovën nuk ka “çek blanko dhe as vija të kuqe” dhe se marrëveshja e Serbisë me Kosovën duhet të arrihet sa më shpejt.
