Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Republikës së Kosovës, Hashim Thaçi ka ndarë dekoratën presidenciale me Urdhrin “Luftëtari i Lirisë, Adem Jashari”, për dëshmorin e kombit Lulëzim Guta. Këtë dekoratë familjes në emër të parit të shtetit ia kanë dorëzuar këshilltari i Thaçit Bislim Zyrapi dhe deputetja e Kuvendit të Kosovës, Ganimete Musliu. Lajmin e ka bërë të ditur Ilir Guta vëllai i dëshmorit Lulëzim Guta. “Në datat historike të kombit-shtetit, në vitin jubile të Heroit tonë Kombëtar-Skënderbeut, të dhjetë vjetorit të Pavarësisë së Kosovës, në datën më historike të Kosovës për vitin 2018, themelimit të Ushtrisë së Kosovës /14.12.2018/ u nderuam me dekoratën presidenciale nga Presidenti i Kosovës SH.T.Z.Hashim Thaçi, për Dëshmorin Lulëzim Sh.Guta me Urdhrin “Luftëtari i Lirisë Adem Jashari”. Falenderojmë të mandatuarin, këshilltarin e lartë Z.Bislim Zyrapi në emër të Presidentit dhe deputeten Znj.Ganimete Musliu për pjesëmarrje në këtë ceremoni për dhuratën më të mirë duke na nderuar e gëzuar familjen tonë në këto ditë festive të fundvitit. Lavdi Dëshmorëve! Lavdi të gjithë atyre që u sakrifikuan për Liri!”, ka shkruar Guta.
