Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës-kryeministri i Kosovës, Fatmir Limaj vlerëson se fati individual nuk mundet të jetë pengesë për zhvillimin e vendit. Ai u bënë thirrje të gjithë atyre që marrin ftesë nga Gjykata Speciale, të përgjigjen, dhe të kryejnë obligimin para ligjit. Ish-komandant Çeliku në Ushtrinë Çlirimtare të Kosovës thotë se është i bindur që edhe nga ky proces do të dilet pastër ashtu siç ka qenë UÇK-ja. Derisa Gjykata Speciale veç ka filluar punën me lëshimin e ftesave për disa persona në Kosovë, Fatmir Limaj thotë se nuk duhet të befasohemi tani me veprimet e kësaj gjykate. Ai shtoi se Gjykata Speciale është votuar në Kuvendin e Kosovës, andaj përgjegjësia mbetët tek votuesit. Unë habitem nëse dikush ndjehet i befasuar nga veprimet e Gjykatës Speciale, sepse atëherë kur është votuar është votuar për këtë qëllim. Ata që e kanë votuar marrin përgjegjësinë e vetë votimit të saj, unë e kam dhënë mendimin tim në kohën e duhur, që është e padrejtë forma dhe mënyra, por dihet se Kuvendi i Kosovës e ka votuar. Tani është detyrë e çdo qytetari të këtij vendi, të përgjigjet drejtësisë, thotë ai.
