Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sindikata e Bashkuar e Arsimit, Shkencës dhe Kulturës e Kosovës i ka dhënë ultimatum Qeverisë që deri të premten e ardhshme të ndërmarrë veprime konkrete në mënyrë që të ngrihen për 30 për qind koeficientet për mësimdhënës në Projektligjin për paga. Nëse deri atëherë nuk formohet grup punues, i cili do të vendosë për ngritjen e koeficienteve dhe që rekomandimet t’i përcjellë në komisionet parlamentare, Sindikata është e vendosur që nga 14 janari tërë sistemi arsimor të futet në grevë të përgjithshme, shkruan Koha Ditore. Kryetari i SBASHK-ut, Rrahman Jasharaj, ka thënë se javën e kaluar u ka drejtuar letër kryeministrit të Kosovës, Ramush Haradinaj dhe ministrit të Arsimit, Shkencës dhe Teknologjisë, Shyqiri Bytyqi, ku i ka adresuar kërkesat e Sindikatës. Deri më tash, sipas tij, nuk është kthyer asnjë përgjigje.
