Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
KMDLNJ ka reaguar ndaj presionit të BE-së për heqjen e taksave ndaj mallrave serbe, duke thënë se Mogherini, nuk brengoset aspak për qytetarët e Kosovës, të cilët në sajë të mashtrimeve dhe premtimeve i ka ngujuar ata në një geto të madhe duke iu pamundësuar lëvizjen e lirë, si e drejtë elementare. Reagimi i KMDLNJ-së vjen pas takimit të sotëm që ekipi negociator i Kosovës kishte në Bruksel me palën e BE-së, ku edhe një herë Federica Mogherini ka këmbëngulur në heqjen e taksës ndaj mallrave të Serbisë. KMDLNJ e quan ultimatum shantazhues të Mogherinit Ajo flet në ‘gjuhën e peshkut’, duke heshtur së bashku me burokratët përcjellës të BE-së. KMDLNJ gjithashtu thekson se Thaçi, pa mandat kushtetues ndërhynë në mënyrë flagrante në punët e Qeverisë ndonëse mandatet i kanë të ndara dhe qartë të përcaktuara dhe për këtë, si xhoker dhe kërcënim e përdorë letrën e Trumpit kurse, si pykë për realizimin e këtij “detyrimi ndaj miqve amerikanë” i keqpërdorë Hoxhajn e Veselin, duke thënë se këta janë autorë të taksës 100% e jo kryeministri Haradinaj. KMDLNj ka përkrahur taksën 100% si dhe ka kërkuar që të zbatohet reciprociteti 100% ndaj Serbisë për aq kohë sa Serbia të reflektojë si një shtet normal dhe nuk ndërhynë në punët e brendshme të një shteti sovran dhe të pavarur.
