Ragmi Mustafa: Reciprociteti në të drejta nuk është zgjidhja fatlume për shqiptarët e Kosovës Lindore

Kryetari i PDSH-së, Ragmi Mustafa thotë se çështja e Kosovës Lindore figuron edhe në agjendën amerikane

Kryetari i PDSH-së, Ragmi Mustafa, është shprehur optimist se statusi i shqiptarëve të Kosovës Lindore do të zgjidhet me finalizimin e procesit të negociatave Kosovë-Serbi. Një çështje e tillë sipas tij figuron edhe në agjendën amerikane, kështu ka deklaruar kryetari i PDSH-së Ragmi Mustafa. Pavarësisht faktit që askush nga Kosova Lindore nuk është pjesë e ekipit shtetëror për negociatat me Serbinë, Mustafa është shprehur i bindur se në fazën finale të dialogut Kosovë-Serbi do të arrihet përfundimisht një zgjidhje për shqiptarët e kësaj treve. Që të punojnë për ta zgjidhur çështjen e Preshevës, Medvegjës e Bujanocit, siç ai është shprehur, institucionet e Kosovës janë obliguar në forma dhe me dokumente të ndryshme. Rrjedhimisht, Kryetari i PDSH-së është shprehur optimist se me përmbylljen e negociatave, Kosova do ta marrë njohjen nga Serbia dhe Kosova Lindore do t’i bashkëngjitet Republikës së Kosovës.

Kontrolloni gjithashtu

Lutfi Haziri

Lutfi Haziri: LDK-ja ka pasur bashkëpunim të shkëlqyer me të gjitha partitë

Nënkryetari i Lidhjes Demokratike të Kosovës, Lutfi Haziri, ka komentuar letrën e fundit të Kryeministrit …