Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vendimi i Qeverisë për vënien e taksës 100% ndaj produkteve serbe ka përplasur Thaçin dhe Haradinajn. Përderisa kreu i shtetit ka deklaruar publikisht se tarifa në fjalë mund të hiqet, shefi i ekzekutivit po vazhdon të këmbëngulë se taksa nuk do të largohet derisa Serbia ta njohë Kosovën. Në anën tjetër BE-ja tashmë ka kërkuar disa herë shfuqizimin e taksës 100 për qind, pasi Vuçiq ka pohuar se nuk do të ketë vazhdim të procesit të dialogut nëse nuk zhbëhet vendimi për taksën. Në anën tjetër, përfaqësuesit e opozitës vlerësojnë se kjo çështje nuk duhet të kthehet mbrapa në asnjë rrethanë. Deputetja e Vetëvendosje, Arbërie Nagavci, ka thotë se taksa e vendosur ndaj produkteve serbe nuk duhet të largohet në asnjë formë. Sipas saj, ky është një prej vendimeve të pakta pozitive që Qeveria i ka marrë deri më tani. “Është dashur të jetë shumë më herët dhe do të duhej të kishte reciprocitet të plotë, andaj e mbështesim. Është shumë gabim që tashmë të tërhiqemi nga ky vendim”, ka deklaruar ajo.
