Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të LDK-së, Avdullah Hoti, thotë se është keq kur miqtë duhet të na kërkojnë të kryejmë detyrat tona kushtetuese dhe është mungesë e përgjegjësisë shtetërore të bartësve të institucioneve. “Sot mbushet një vit prej se është bllokuar Komisioni Qendror i Zgjedhjeve nga ana e Presidentit. Ambasada e SHBA-së sot ka reaguar, duke cituar edhe reagimet e opozitës. Është keq kur miqtë duhet të na kërkojnë të kryejmë detyrat tona kushtetuese. Kjo është mungesë e përgjegjësisë shtetërore të bartësve të institucioneve. Është shqetësues fakti që institucioni më i lartë i Republikë së Kosovës po përdoret për interesa politike. Kjo qasje duhet të marrë fund. Anëtarët e KQZ-së duhet të emërohen sipas Kushtetutës dhe ligjit për zgjedhje, si dhe aktvendimit të Gjykatës Kushtetuese të vitit 2014. Çdo veprim tjetër paraqet shkelje të Kushtetutës nga ana e Presidentit. Edhe mos veprimi për një vit të plotë është shkelje e Kushtetutës. Presidenti ka obligim kushtetues të garantojë funksionimin e institucioneve të parapara me Kushtetutë, dhe KQZ-ja është institucion i paraparë me Kushtetutë”, ka shkruar ai.
