Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Socialdemokrate, Dardan Molliqaj, ka thënë se kjo parti duhet ta këtë përfaqësuesin e saj në Komisionin Qendror të Zgjedhjeve. Molliqaj në një konferencë për medie, ka kërkuar fillimisht interpretim të Gjykatës Kushtetuese lidhur me dekretimin e anëtarëve të KQZ-së. “E dimë që është një vendim që lidhet me grupet parlamentare, por ai ka të bëjë me themelimin e institucioneve ku shkruhet qartë Kuvendit dhe Qeverisë, nuk flet për institucione të tjera”. “Një vendim i vitit të kaluar thotë se gjashtë grupet më të mëdha parlamentare duhet të dërgojnë përfaqësuesit e tyre në Komisionin Qendror Zgjedhor. Neve na ka ardhur vendim ku është kërkuar që PSD-ja të nominojë përfaqësuesit e vet në KQZ”, ka thënë Molliqaj. Ai ka thënë se deri më tani nuk kanë marrë asnjë njoftim për ndryshimin e vendimit paraprak nga ana e kryetarit Thaçi. “Besojmë, sipas interpretimit tonë të Kushtetutës, se neve na takon përfaqësimi në KQZ”, ka deklaruar Molliqaj.
