Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtar të lartë të Policisë së Shqipërisë kanë thënë se kanë informata se protesta e sotme e organizuar nga Partia Demokratike dhe Lëvizja Socialiste për Integrim, do të jetë e dhunshme. Policia ka kërkuar nga organizatorët e protestës që të distancohen nga protestuesit e dhunshëm dhe t’ia dorëzojnë policisë si dhe ka paralajmëruar se ndaj protestuesve të tillë të dhunshëm, policia do të veproj sipas parimit të reciprocitetit. Nga ana tjetër,drejtuesit e Partisë Demokratike dhe Lëvizjes Socialiste për Integrim, kanë ftuar qytetarët për pjesëmarrje masive në protestën kundër Qeverisë Rama deri në rrëzimin e saj. Protesta do të filloj si zakonisht, në ora 19.00 dhe është paraparë të zgjas deri në mesnatë. Ndërkohë, policia është duke ndërmarrë të gjitha masat për mbarëvajtjen e protestës dhe identifikimin sa më të lehtë të protestuesve të dhunshëm. Për këtë qëllim, rreth e përqark objekteve më të rëndësishme janë vendosur kamera me rezolucion të madh dhe projektor të fuqishëm të cilët do ta ndriçojnë mjaftueshëm hapësirën ku do të zhvillohet protesta.
