Në vigjilje të 16 Qershorit, u përuruan gjashtë rrugë në Tërpezë të Malishevës

11/06/2019 Institucionet

Në vigjilje të shënimit të 16 Qershorit-Ditës së Çlirimit dhe Ditës së Dëshmorëve të Komunës së Malishevës dhe në kuadër të aktiviteteve për shënimin e datës më të rëndësishme të Malishevës, në fshatin Tërpezë, janë përuruar gjashtë rrugë të reja të ndërtuara në këtë fshat. Në ceremoninë e përurimit të këtyre rrugëve, ishte i pranishëm edhe kryetari i Komunës së Malishevës, Ragip Begaj, i cili i ka uruar banorët e Tërpezës për rrugët. “Pasi kanë përfunduar të gjitha procedurat e ndërtimit të rrugëve dhe pranimit teknik të punimeve, ne sot, në prag të shënimit të ditës më të rëndësishme të komunës, po i përurojmë këto rrugë, të cilat janë ndërtuar nga buxheti komunal, për banorët e fshatit tuaj. Urime rrugët e reja dhe urime Dita e Çlirimit të Malishevës”, ka thënë kryetari Begaj, me rastin e përurimit të rrugëve. Rrugët të cilat janë përuruar, janë gjashtë rrugë të  reja, “Xhavit Kelmendi”, “Selim Elshani”, “Alush Rama”, “Vezir Kolshi” dhe dy rrugë të reja të cilat ende nuk janë emërtuar. Këto rrugë kanë një gjatësi prej 1350 metra dhe janë financuar nga buxheti komunal i Malishevës.

Kontrolloni gjithashtu

Kuvendi Komunal i Vitisë mbajti mbledhjen e katër të rregullt

Kuvendi Komunal i Vitisë ka mbajtur sot mbledhjen e katërt të rregullt. Me këtë rast …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara