Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Kuvendit të Kosovës nga radhët e Partisë Socialdemokrate, Visar Ymeri, ka hedhur poshtë mundësinë që partia e tij të përfshihej në një qeveri pa zgjedhje, pas dorëheqjes së kryeministrit Ramush Haradinaj nga posti i tij. “S’ka pasur as ofertë të tillë, as diskutim të tillë”, ka deklaruar Ymeri në një paraqitje televizive. “Rruga e vetme përpara është të shkojmë në zgjedhje, sa më shpejt të jetë e mundur. Mendojmë që Kosovës i duhet një qeveri e dalë nga zgjedhjet, që do ta ketë shumicën në Kuvend, dhe legjitimitetin qytetar”, është shprehur ai. “Pas zgjedhjeve, shohim se si formohet qeveria”, ka thënë deputeti i PSD’së. Ai ka bërë të ditur se partia e tij është e gatshme për zgjedhje, teksa ka lënë të hapur mundësinë për një koalicion parazgjedhor.Ymeri ka thënë se PSD’ja nuk do të bashkëpunonte me Partinë Demokratike të Kosovës, e cila, sipas tij, duhet të dalë në opozitë.
