Kryetari i Lidhjes Demokratike të Kosovës, Isa Mustafa, ka pritur në takim ambasadorin e Shteteve të Bashkuara të Amerikës në Kosovë, Philip Kosnett. Në komunikatën për medie të LDK-së është thënë se në këtë takim janë diskutuar tema të rëndësishme për vendin, me theks të veçantë për zgjedhjet e brendshme të LDK-së dhe situata aktuale politike. Në vazhdimin e kësaj komunikate është bërë me dije se ambasadori Kosnett ka theksuar se është e rëndësishme që Kosova të ruajë fokusin e vet në fuqizimin e sundimit të ligjit, kthimit në tryezën e bisedimeve me Serbinë, për të arritur normalizim dhe për të krijuar mundësi të cilat lejojnë qytetarëve të Kosovës të kontribuojnë në prosperitetin e Kosovës. Të pranishëm në këtë takim kanë qenë Agim Veliu, Lutfi Haziri, Vjosa Osmani, Vlora Dumoshi dhe Besian Mustafa.
Kontrolloni gjithashtu
Bujar Osmani: Këto zgjedhje janë vendimtare për të ardhmen e vendit, qytetarët do të shprehin vullnetin e votës së tyre
Kandidati për kryetar nga radhët e Frontit Evropian në Maqedoninë e Veriut, Bujar Osmani, ka …