Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kremlini zyrtar ka akuzuar Shtetet e Bashkuara të Amerikës për nxitje të tensioneve ushtarake pas testimet të raketës së parë, prej kur është larguar nga Traktati për Armë Bërthamore, të cilin e kishte nënshkruar me Rusinë tri dekada më parë. Zëvendës-ministri i Jashtëm rus, Sergei Rjabkov është cituar të ketë thënë për agjencinë e lajmeve TASS se testimi i raketës tokësore në Kaliforni është “shkaku i keqardhjes”. “Shtetet e Bashkuara shihet se janë nisur drejt nxitjes së tensioneve ushtarake. Ne nuk do të reagojmë ndaj provokimeve”, ka thënë Ryabkov. Departamenti amerikan i Mbrojtjes ka njoftuar më 19 gusht se ka testuar një raketë në Ishullin Shën Nikolla të Kalifornisë. Kryetari amerikan, Donald Trump ka njoftuar se Shtetet e Bashkuara të Amerikës do të largohen nga marrëveshja për Armë Bërthamore, duke akuzuar Rusinë për shkelje të kushteve të këtij dokumenti.
