Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Sheshin “Adem Jashari” të Prishtinës ka filluar manifestimi i Opozitës kundër zgjedhjes së Hashim Thaçit në postin e kryetarit të Kosovës. Në foltoren e improvizuar në shesh, para mijëra protestuesve ka mbajtur një fjalë rasti ish-kryekuvendari, Jakup Krasniqi, i cili ka trimëruar protestuesit në kërkesat e tyre për dorëheqjen e Qeverisë, për shkak të shkeljes së Kushtetutës dhe nënshkrimit të marrëveshjeve të dëmshme për Kosovës, që kanë nënshkruar në Bruksel. Pas Jakup Krasniqit protestuesve të tubuar në sheshin e kryeqytetit iu ka drejtuar edhe kryetari AAK-së, Ramush Haradinaj. Ai ka falënderuar protestuesit të cilët kanë ardhur nga të gjitha anët e Kosovës e sidomos ata që kanë kaluar natën nëpër tenda. Haradinaj ka kërkuar që Qeveria të japë dorëheqje, për shkak të gabimeve të shumta dhe keqqeverisjes së vendit.
