Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qindra mijëra qytetarë, vazhdojnë të largohen nga Kosova për shkak të kushteve jo të mira të jetës. Statistikat flasin se mbi gjysmë milioni qytetarë nga vendi, kanë emigruar në vende të ndryshme dhe se numri i largimeve po rritet dita ditës. Tashmë, mijëra qytetarë kanë tërhequr dhe vazhdojnë me të madhe të tërheqin edhe shtetasit e tyre nga vendlindja. Lirimi i shtetësive do të krijojë pasoja me afat të gjatë kohor, jo vetëm për ta, por edhe për shoqërinë dhe vendin në përgjithësi. Mesatarisht në çdo vit nga nënshtetësia e Kosovës liruar më shumë se 5 mijë qytetarë e që i bie se për një dekadë, mbi pesëdhjetë mijë shtetas kanë hequr dorë nga shtetësia e Republikës së Kosovës. Nga 1-janari deri me 28 gusht të këtij viti 3 mijë 452 persona kanë hequr dorë shtetësia kosovare. Qytetarë të shumtë shihen nëpër sportele të komunave dhe zyrave të Ministrisë së Punëve të Brendshme, duke kërkuar lirimin apo tërheqjen e shtetësisë. Ata me vete kanë një listë me dokumente të shteteve ku ndodhen dhe ato të Kosovës që u kërkohen nga zyrat e gjendjes civile.
