Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kabineti i ministrit të Arsimit, Shyqiri Bytyqi harxhoi 660 mijë euro. Saktësisht 658 mijë euro është fatura e shpenzimeve në Ministrinë e Arsimit, Shkencës dhe Teknologjisë, të cilat janë bërë përgjatë kohës së udhëheqjes nga Shyqiri Bytyqi. Ministria ka prezantuar këtë shumë, por nuk ka ofruar të dhënat veç e veç, për secilin nga pjesëtarët e kësaj trupe, shumica syresh parazitë që kanë zhvatur dhe zhvatin Buxhetin e Kosovës. Koha Ditore nuk ka mundur ta mësojë shumën e saktë të shpenzimeve që ka bërë Bytyqi dhe as të zëvendësministrave, këshilltarëve dhe stafit tjetër mbështetës, që kanë siguruar të ardhura nga buxheti i shtetit. Përgjatë dy vjetëve, Ministria është drejtuar nga Bytyqi dhe në këtë institucion kanë defiluar edhe nëntë zëvendës-ministra: Muharrem Nitaj, Arbër Geci, Mustafë Myrtaj, Bajrush Sezairi, Azem Guri, Muhamet Kelmendi, Artan Berisha dhe Heset Sahiti. Krahas tyre, në kabinetin e Bytyqit kanë kaluar edhe 12 këshilltarë politikë: Fehmi Hysenaj, Fatmir Bytyqi, Valmir Gashi, Vlora Hoti, Gjyzel Shaljani, Skender Susuri, Baton Dushi, Shkodran Imeraj, Arlinda Beka, Arben Dermaku, Ferim Gashi dhe Violeta Dema.
