Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ndonëse kryetari i Kosovës Hashim Thaçi aktualisht përfaqëson Kosovën në procesin e dialogut me Serbinë, nga PDK-ja kanë thënë se timonin e këtij procesi do ta marrë lideri i këtij subjekti Kadri Veseli po qe se PDK-ja vjen në krye të ekzekutivit pas 6 tetorit. Kandidatja për deputete nga Partia Demokratike e Kosovës, Valdete Idrizi ka deklaruar se me ardhjen në krye të ekzekutivit Kadri Veseli do të marrë në udhëheqje dialogun Kosovë – Serbi, duke ia marrë kështu nga duart këtë proces udhëheqësit aktual kryetarit Thaçi. Ndër të tjera ajo tha se PDK-ja nuk pajtohet me idenë e kryetarit të vendit për ndryshim territoresh. Sipas saj, qëndrimi i Veselit është që të mos preket asnjë milimetër e territorit të Kosovës.
