Ambasadori, Richard Grenell, i dërguari i kryetarit amerikan për bisedimet Kosovë-Serbi, tha të enjten se e mirëpret nismën për “shengenin ballkanik”, duke theksuar se kjo nismë mund të jetë e suksesshme nëse përfshihen të gjithë në rajon, përfshirë edhe Kosovën. Në një deklaratë të publikuar në faqen e internetit të ambasadës amerikane në Berlin, thuhet se mirëpresim nismën për ‘minishengenin’ e Ballkanit Perëndimor si një mënyrë për të filluar lëvizjen e lirë të njerëzve dhe mallrave. Ne besojmë se që kjo nismë të jetë e suksesshme, ajo duhet të përfshijë të gjithë në rajon, përfshirë qeverinë e Kosovës. Administrata e kryetarit Trump është e përqendruar për të ndihmuar gjithë rajonin të krijojë mundësi ekonomike dhe punë për të rinjtë”, thuhet në këtë deklaratë. Një nismë e përbashkët e udhëheqësve të tri vendeve ballkanike, Shqipërisë, Serbisë e Maqedonisë së Veriut për një Shengen Ballkanik, nxiti reagime dhe përplasje në distancë ndërmjet Prishtinës dhe Tiranës. Për mundësinë e krijimit të këtij të quajturi, minishengen u sulmua dhe e fye rëndë sidomos Edi Rama, nga të vetëquajturit analistë në Tiranë e sidomos në Prishtinë.
Kontrolloni gjithashtu
Gjykata Themelore në Prishtinë, i ka caktuar një muaj paraburgim serbit J.SH, për veprën penale krime lufte kundër shqiptarëve
Gjykata Themelore në Prishtinë, Departamenti Special ka caktuar masën një muaj paraburgim ndaj serbit J.SH, …