Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lëvizjes Vetëvendosje, Albulena Haxhiu, është deklaruar lidhur me ngecjen e arritjes se marrëveshjes së koalicionit për bashkëqeverisje ndërmjet kësaj partie dhe LDK-së. Ajo ka bërë me dije se brenda ditëve pritet të ketë një takim në mes të Kurtit dhe Mustafës, por se Vetëvendosje nuk pranon që në marrëveshje të futet edhe posti i kryetarit të vendit. Haxhiu ka thënë se as Vetëvendosje dhe as LDK-ja nuk duhet të barrikadohen me qëndrimet e tyre, por duhet të jenë fleksibile sepse qytetarët kanë vendosur që Qeveria e ardhshme të formohet nga këto dy subjekte politike. Ajo ka deklaruar se ekziston mundësia që kryetar i Kosovës të bëhet dikush që nuk është pjesë e Vetëvendosjes apo LDK-së, por që është person unifikues.
