Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një atmosferë që më shumë i ngjante një tubim përmbyllës të fushatave zgjedhore me prezencë të mijëra përkrahësve, Kongresi i katërt zgjedhor i Bashkimit Demokratik për Integrim që u mbajt sot në Shkup rizgjodhi njëzëri, Ali Ahmetin në krye të kësaj partie edhe për katër vitet e ardhshme.
Mbi 800 delegatë që ishin të pranishëm në Kongres, në këmbë dhe me duartrokitje, votuan në përkrahje të Ali Ahmetit që t’i prijë Bashkimit Demokratik për Integrim në fitore të reja. Në Kongres u zgjodhën edhe anëtarët e organeve të reja partiake, Kongresit i vazhdimësisë, Këshilli Kombëtar, Komisioni qendror zgjedhor si dhe Këshilli i Përgjithshëm i cili më pastaj në mbledhjen e vet konstituive zgjedh kryesinë e partisë, nënkryetarët dhe sekretarët. Kongresin e nderuan edhe partitë politike LSDM, VMRO, NSDP, LDP, PDSH, RDK, TDP, PS e Shqipërisë, PD e Shqipërisë, LSI, PD e Kosovës, Vetëvendosja, Nisma, përfaqësues të komunitetit ndërkombëtar dhe të organizatave ndërkombëtare dhe të tjerë.
