Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot komuna e Gjilanit nën organizimin e nënkryetarit, Arbër Ismajli, ka bërë homazhe te varrezat e dëshmorëve, në nderim të dëshmorëve të kombit, Tefik Zymberi dhe Hanumshahe Zymberi si dhe nderimit me mirënjohje nga Presidenca e Kosovës. Nënkryetari i Komunës, Arbër Ismajli, tha me këtë rast se gjaku i Tefik dhe Hanumshahe Zymberit u bë drita e lirisë së sotme. “Këta dy dëshmorë, nuk kanë qenë vetëm të Karadakut e të Gjilanit, por kanë qenë dhe do të mbeten të gjithë Kosovës. Republika jonë kurrë nuk do të zhbëhet, në radhë të parë për shkak të themeleve që i kanë vënë me gjakun e tyre Tefiku e Hanumshahja dhe të gjithë dëshmorët e kombit. Përulemi përjetësisht para sakrificës së tyre”, ka thënë Ismajli. Në sallën e teatrit të qytetit, u mbajt akademia përkujtimore, kushtuar jetës dhe veprës së Tefik e Hanumshahe Zymberit.
