Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Departamenti për Politika të Mbrojtjes dhe të Sigurisë i AAK–së, kritikon neglizhencën e qeverisë në dështimin e krijimit të FAK-ut. DPMS i AAK-së thotë se qeveria me këtë neglizhencë të vazhdueshme dhe paaftësi ka krijuar imazh të keq, përshtypje negative, duke u tallur me të ardhmen e Forcave të Armatosura të Kosovës dhe sigurinë nacionale të Kosovës. Kjo situatë në mënyrë eksplicite ka ardhur si rezultat i vizionit të munguar nga LDK-ja, nga kualiteti i dobët të qeverisjes së koalicionit PDK – LDK. Ne kemi qenë dhe jemi kundër çdo lloj ndërhyrjeje që e anatemon substancën e të qenit ushtri tipike e Kosovës, moderne dhe në NATO. Vonesat e pakuptimta politike e ligjore në këtë drejtim janë të paarsyeshme dhe krejtësisht të papranueshme”, thotë DPMS i AAK-së. Departamenti për Politika të Mbrojtjes dhe të Sigurisë i AAK –së, konsideron se krijimi i Ushtrisë së Kosovës, mbetet prioritet strategjik për vendin.
