Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqiptarët e Kosovës Lindore kërkojnë që Serbia të ndryshojë ligjin, të mos mbetet i vetmi shtet që nuk respekton të drejtën dhe lirinë e përdorimit të simboleve kombëtare. Këtë kërkesë e ka bërë kryetari i Këshillit Nacional të Shqiptarëve në këtë trevë Ragmi Mustafa, pasi Kuvendi i Malit të Zi miratoi projektligjin për përdorimin dhe shfaqjen publike të simboleve nacionale të pakicave kombëtare. “Ndryshe nga shtetet e tjera në rajon, Serbia shtetërore mbetet e kufizuar brenda mendësisë nacionaliste e fashiste. E jo pak shqiptarë të Luginës nuk mund të jetojnë në vendlindje për shkak të ngritjes së flamurit kombëtar shqiptar. Shumë të tjerë përballen me procese gjyqësore. E gjithë kjo politikë në emër të shtetit ligjor është në fakt politikë e dëbimit të tjetrit. Ftoj qeverinë serbe që të ndjekin shembullin e fundit, shembullin e Malit të Zi. Sepse nuk i takon shtetit t’i përzgjedhë veçoritë identitare të bashkësive të ndryshme etnike/kombëtare. Ndalimi i tyre flet për karakterin demokratik të vetë shtetit, një shteti ku nuk ka të drejta të barabarta për të gjithë qytetarët, në s’përputhje edhe me konventat për të drejtat e njeriut”, ka shkruar ndër të tjera ai.
