Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fluksi i azilkërkuesve në Kosovë po vazhdon të rritet, thonë në Ministrinë e Punëve të Brendshme në Qeverinë e Kosovës. Deri më tani, sipas shifrave zyrtare nga kjo ministri, numri i emigrantëve që kanë hyrë në Kosovës ka kaluar numrin 900 veta, vetëm gjatë dy muajve të parë këtij viti. Drejtor i Departamentit për Shtetësi, Azil dhe Migracion, thotë për Radion Evropa e Lirë, se në fillim të këtij viti është shënuar trend i rritjes së azilkërkuesve në krahasim me dy vjetët e kaluara.
“Prej tyre, sirianët dominojnë, janë rreth 300 vetëm nga Siria, pastaj 56 nga Palestina, 54 nga Iraku, nga Maroko 63, Algjeria 27, Afganistani 26. Azilkërkues ka edhe nga vendet e tjera nga, Irani, Tunisi, Jemeni, Egjipti, Libani.
