Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Republikës së Kosovës ka publikuar agjendën për shënimin e 22-vjetorit të Epopesë së UÇK-së. Siç ka njoftuar Qeveria, më 5 mars do të mbahet seanca solemne e Kuvendit të Kosovës, ndërsa më 6 mars do të mbahet akademia përkujtimore kushtuar komandantit legjendar Adem Jashari, familjes Jashari dhe gjithë dëshmorëve dhe të rënëve për liri.
Agjenda e plotë për shënimin e 22 – vjetorit i Epopesë së UÇK-së:
5 MARS:
Ora e parë mësimore do t’i kushtohet Epopesë së UÇK-së, në të gjitha shkollat e Republikës së Kosovës.
Në orën 09:00 mbahet seanca Solemne e Kuvendit të Republikës së Kosovës, nën patronatin e kryekuvendares, Vjosa Osmani, të pranishmëve u drejtohet kryeministri Albin Kurti.
Seanca Solemne e Kuvendeve Komunale (Mbjellja e 59 fidanëve nga Zyrtarët e Komunave dhe nxënësit, në vendin e caktuar nga komunat përkatëse).
Në orën 12:00 në kazermën “Adem Jashari” në Prishtinë, parakalon Ushtria e Kosovës, (Trupave të FSK-së u drejtohen me fjalim: kryetari i vendit Hashim Thaçi, kryekuvendarja, Vjosa Osmani dhe kryeministri Albin Kurti).
6 MARS:
Në orën 09:00 bëhen homazhe dhe vizita në Kompleksin Memorial Adem Jashari në Prekaz (Vendosje kurorash nga 3 liderët).
Në orën 12:00 bëhen homazhe në të gjithë Komplekset Memoriale të Dëshmorëve të UÇK-së, në gjithë Komplekset në Republikën e Kosovës.
Në orën 17:00 në Sallë e Kuqe në Pallatin e Rinisë dhe Sporteve në Prishtinë mbahet Akademi përkujtimore kushtuar komandantit legjendar Adem Jashari, familjes Jashari dhe gjithë dëshmorëve dhe të rënëve për liri. (Të pranishmëve u drejtohen me fjalim: kryetari i vendit Hashim Thaçi, kryekuvendarja, Vjosa Osmani dhe kryeministri Albin Kurti), historiani Prof. Agim Vinca, Kryetari i shoqatave të dala nga lufta z. Hysni Gucati, Përfaqësues nga Familja Jashari).
7 MARS:
Në orën 12:00 bëhen homazhe pranë Shtëpisë së Familjes Jashari (SH.T. Albin Kurti dhe SH.S. Vjosa Osmani bëjnë homazhe tek shtëpia e familjes Jashari).
Në orën 18:00 fillon Nata e Zjarreve (Në kompleksin memorial “Adem Jashari” në Prekaz ndizen flakadanët dhe më pas vijon programi kulturor – artistik, i cili do të mbahet në sheshin “Adem Jashari” në Skenderaj).
