Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj ka përkujtuar sot më 27 mars, vrasjen e civilëve të pambrojtur shqiptar nga forcat serbe në Krushë, Kastriot, Fushë Kosovë e Pejë. Sipas tij këto ditë ishin më të rëndat dhe më të gjakosura në luftën e Kosovës. “27 marsi 1999 ishte ndër ditët më të përgjakshme të Luftës Çlirimtare. Aparatura gjenocidale serbe e mobilizuar në çdo cep të Kosovës, vazhdoi me vendosmëri zbatimin e planit afatgjatë për shfarosjen e shqiptarëve. Kujtojmë sot me përulje martirizimin e civilëve të pambrojtur në Krushë të Vogël, Obiliq, Fushë Kosovë dhe Dardani të Pejës. Sot, 21 vite pas rënies së tyre, Kosova ka ushtrinë e saj, që është e gatshme të ballafaqohet secilin agresor, e që kurrë të mos përsëriten masakra të tilla kundër popullit të saj. Lavdi të rënëve për liri!”, ka shkruar ai.
