Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I dërguari i posaçëm i Shteteve të Bashkuara të Amerikës, për dialogun në mes të Kosovës dhe Serbisë, Riçard Grenell, e ka bërë të çartë edhe një herë se e kujt ishte ideja e shkëmbimit të territoreve mes dy shteteve Kosovë e Serbi. Ai ka sqaruar se çështja e shkëmbimit të territoreve mes dy shteteve, nuk ishte ide e presidentit aktual të Amerikës, Donald Trump. Unë jam në një situatë ndryshe, për shkak te situatës së krijuar nga Xhon Bolton që ka qenë tjetër nga presidenti Trump në raport me Kosovën dhe Serbinë. Mua më është dashur te luftoj gjatë gjithë kohës me thashethemet për shkëmbim të territoreve, qe nuk është në asnjë mënyrë politikë e Trumpit, por te dyja palët thonë se kjo u është thënë nga Bolton, ka sqaruar Riçard Grenell. Edhe tetë ditë kanë mbetur deri në takimin e 27 qershorit në Shtëpinë e Bardhë, ku kryetarët e Kosovës dhe Serbisë do të takohen me ndërmjetësimin e emisarit të Donald Trumpit, z. Grenell, ndërkohë që parashihet të priten edhe nga këshilltari kryesor i kryetarit amerikan, Robert O’Brajen.
