22 milionë euro të hyra më pak ka realizuar Administrata Tatimore e Kosovës gjatë kohës së pandemisë

Administrata Tatimore e Kosovës gjatë kohës së pandemisë ka realizuar 22 milionë euro të hyra më pak në krahasim me periudhën e vitit të kaluar, kjo vlerësohet se ka bërë që të dëmtohen edhe të hyrat e buxhetit të shtetit. Megjithatë përgjatë pesë mujorit të vitit 2020, në total ATK-ja ka ka inkasuar 186 milionë të hyra. Këto statistika i bërë të ditur drejtori i ATK-së, Ilir Murtezaj. Por, Murtezaj potencon se vetëm për muajin maj ATK-ja ka inkasuar 4.5 milionë euro të hyra, kjo si shkak e zgjatjes së afatit në muajt mars-prill për bizneset.Kjo sipas tij, do të ndikojë në përmirësimin e ekonomisë vendëse.