Lidhja Demokratike e Kosovës ka shkarkuar Vjosa Osmanin nga pozita e saj si nënkryetare e partisë. Nga 123 anëtar të Këshillit të Përgjithshëm të LDK-së 70 kanë votuar për shkarkimin e Vjosa Osmanit nga kryesia e kësaj partie. Kryetari i LDK-së, Isa Mustafa ka shkruar se Vjosa Osmani është shkarkuar me 70 vota pro nga 95 sa kishin votuar në Këshillin e Përgjithshëm. 16 ishin shprehur kundër e nëntë kishin abstenuar. 28 nuk kishin pranuar të merrnin pjesë në votim. “Në bazë të kësaj, si Kryetar i LDK-së konstatoj se Këshilli i Përgjithshëm i Lidhjes Demokratike të Kosovës VENDOSI që: z. Avdullah Hoti të zgjedhet nënkryetar i LDK-së; znj. Vjosa Osmani të lirohet nga pozita e nënkryetares së LDK-së dhe anëtares së Kryesisë”, ka shkruar kryetari, Isa Mustafa, në një letër dërguar anëtarëve të Këshillit të Përgjithshëm të Lidhjes Demokratike të Kosovës.
Kontrolloni gjithashtu
Xhejms O’Brien së bashku me emisarin Escobar do të takohen me të dërguarin e BE-së Lajçak, për një vizitë koordinuese
Ndihmës Sekretari amerikan i Shtetit, James O’Brien, ka bërë të ditur se së bashku me …