Heldt thotë se tri çështje që do të jenë në fokus të këtyre 6 muajve në Kosovë: liberalizimi, pandemia dhe dialogu

Gjermania, një ndër vendet më të fuqishme në Evropë ka marrë kryesimin e presidencës gjashtëmujore të Bashkimit Evropian, që nga shumë njohës të çështjeve e integrimeve evropiane po thuhet se ka shpresa që shumë procese Kosova t’i kalon më lehtë tani në BE për shkak të udhëheqjes së gjermanëve. Ambasadori i Gjermanisë në Kosovë, Christian Heldt, ka thënë se janë tri çështje që do të jenë në fokus të gjashtëmujorit të ardhshëm në Kosovë, është liberalizimi i vizave, pandemia COVID-19 dhe dialogu me Serbinë. Megjithatë ambasadori gjerman nuk ka premtuar se shumë çështje të pazgjidhura do kryhen nën udhëheqjen e tyre në BE, por ka thënë se do kenë prioritet disa nga këto tema. Kujtojmë se një nga temat më të vjetra dhe që BE premton me vite është liberalizimi i vizave për kosovarët pasi janë përmbushur të gjitha kushtet.