Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Departamenti Amerikan i Shtetit ka ofruar mbështetje për dialogun Kosovë-Serbi të ndërmjetësuar nga Bashkimi Evropian. “Jemi të lumtur që Bashkimi Evropian ka organizuar takime mes Serbisë dhe Kosovës dhe ne ofrojmë mbështetjen e plotë”, është theksuar në përgjigjen më shkrim të zëdhënësit të departamentit të Shtetit. I pyetur nga Zëri i Amerikës rreth vazhdimit të dialogut Kosovë-Serbi pas më shumë se 20 muajsh, ai ka thënë se qëllimi i tyre është një marrëveshje për normalizimin gjithëpërfshirës të raporteve mes dy vendeve. “Normalizimi është esencial në sigurimin e stabilitetit progresit dhe sigurisë së Ballkanit Perëndimorë” është përgjigjur ai. Dialogu Kosovë-Serbi i lehtësuar nga BE-ja ka vazhduar më 16 korrik në Bruksel pas rreth 20 muajsh. Ai u ndërpre në nëntorin e 2018-ës kur Qeveria Haradinaj vendosi taksën 100 për qind ndaj mallrave serbe dhe atyre të Bosnjës.
