Duke komentuar akuzat nga Gjykata Speciale kundër eprorëve e pjesëtarëve të Ushtrisë Çlirimtare të Kosovës, ish-komandanti Suprem i Forcave të Armatosura të NATO-s gjatë luftës çlirimtare në vendin tonë, gjenerali Wesley Clark, ka theksuar se këto akuza kanë për qëllim ta pengojnë Kosovën në rrugën e saj të përparimit. Ai ka theksuar më tutje se përpjekjet për të vënë pengesa në rrugën e Kosovës drejt përparimit nuk kanë munguar asnjëherë. “Propozim-aktakuza ndaj presidentit të Kosovës, Hashim Thaçi është vazhdimësi e aktiviteteve për ta penguar ecjen e Kosovës përpara. Presionet dhe përpjekjet për ta nënçmuar Kosovën nuk janë ndalur kurrë. Që 20 vite ka pasur aktivitete të dukshme të bëra për ta penguar ecjen e Kosovës përpara, ka theksuar ish-komandanti Suprem i Forcave të Armatosura të NATO-s gjatë luftës çlirimtare në vendin tonë, gjenerali Wesley Clark.
Kontrolloni gjithashtu
Knut Abraham: Kosova me shumicë votash i ka përmbushur të gjitha standardet për t’u bërë anëtare e Këshillit të Evropës
Këshilli i Europës festoi 75 vjetorin e themelimit dhe deputeti i Bundestagut, Knut Abraham konkludoi …