Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjermania do të vazhdojë të mbështetë Kosovën në rrugën e saj drejt arritjes së liberalizimit të vizave. Kjo është konfirmuar nga Qeveria gjermane. Zyra për media dhe marrëdhënie me publikun, ka thënë se Gjermania vlerëson përpjekjet e bëra nga Kosova në vitet e kaluara për të përmbushur kriteret, duke veçuar “rekordin e forcuar në luftën kundër krimit të organizuar dhe korrupsionit”. Por, ata nuk kanë dashur të komentojnë, nëse Kosova do të arrijë të fitojë liberalizimin e vizave, gjatë mandatit presidencial të Gjermanisë në BE. Por, ata kanë thënë se propozimi i Komisionit Evropian i majit 2016 për heqjen e kërkesës për viza për qytetarët e Kosovës, duhet të miratohet nga Këshilli i Bashkimit Evropian. Poashtu, bëhet e ditur se tashmë janë zhvilluar bisedimet e nivelit të ekspertëve të Ministrisë Federale të Brendshme gjermane me përfaqësuesit e Kosovës.
