Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-komandanti i Zonës Operative të Dukagjinit, Ramush Haradinaj i ka përkujtuar bashkëluftëtarët e tij të rënë 22 vite më parë në luftime me forcat serbe. Ai i ka vlerësuar ata si trima e atdhetarë të cilët para jetës së tyre e kishin synim lirinë e atdheut të robëruar. “Në 22-vjetorin e rënies, sot kujtojmë heronjtë Bekim Berisha-Abeja, Bedri Shalën, Elton Zherka, Përmet Vula, Bashkim Leku dhe Jusuf Kelmendi. Luftëtarë të pashoq, trima e atdhetarë të cilët para jetës së tyre e kishin lirinë e popullit të shtypur, e në rastin e Abejës edhe përtej Kosovës. Heroizmi i luftëtarëve të lirisë është materia që formëson brezat e rinj, frymëzimi ynë në çdo moment të angazhimeve për një Atdhe siç ata e ëndërruan. Lavdi jetës dhe veprës së Bekimit, Bedriut, Eltonit, Përmetit, Bashkimit dhe Jusufit!”, ka shkruar ai.
