Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendëskryeministrja e Kosovës, Albulena Balaj-Halimi, ka thënë se inicimi i mocionit për rrëzimin e Qeverisë Hoti nuk është serioz. “Vetëvendosje nuk i ka nënshkrimet as për thirrjen e seancës e lëre më ta rrëzojnë qeverinë. Ngritja e një mocioni në këtë kohë pandemie është e padrejtë, kur vetë ata deklaronin se nuk duhej rrëzuar Qeveria e kaluar e udhëhequr nga Kurti, për shkak të pandemisë”, ka deklaruar Balaj-Halimi. Duke folur për menaxhimin e pandemisë nga ana e Qeverisë Hoti, ajo ka thënë se në kohën kur ishim të mbyllur ka qenë më e lehtë të menaxhohej pandemia. “Qeveria aktuale ka qenë e detyruar, siç ka qenë e gjithë bota, që të bëhet hapja e ekonomisë. Kemi bërë atë që ka thënë IKSHPK-ja”, ka shtuar ajo.
