Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka sqaruar disa deklarata rreth kandidimit për postin e kryetarit të vendit. Ai thotë se ka pasur bisedime me partnerët e koalicionit, por edhe me Partinë Demokratike të Kosovës lidhur me postin e presidentit, të cilat mund të ndodhin nëse konfirmohen aktakuzat e Gjykatës Speciale ndaj kryetarit, Hashim Thaçi “Kemi pasur disa takime me liderët e koalicionit dhe udhëheqësit e PDK-së, pas 24 qershorit, në këtë rast edhe me kryetarin e PDK-së, Kadri Veseli. Kanë ndodhur diskutime në tavolina dhe jam shprehur i gatshëm të marr përgjegjësi për shkak të rrethanave të reja. Thaçi e ka shprehur dëshirën e tij që Kosova, në rast se konfirmohen aktakuzat, mos të gjendet e papërgatitur. Duhet të jemi të qartë se unë nuk jam kandidat i koalicionit, por i Aleancës. PDK-ja ka shprehur kujdesin se në rast të konfirmimit të aktakuzave, Kosova të gjendet në krye të detyrës”, ka thënë Haradinaj.
