Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për bisedimet që pritet të rinisin mes Kosovës dhe Serbisë dhe takimet e delegacioneve e të dyja shteteve në Uashington dhe epilogun e pritshëm të tyre, kryeministri, Abdullah Hoti ka thënë se vetëm njohja reciproke mes Kosovës dhe Serbisë i normalizon raportet. Ai ka theksuar më tutje se vetëm njohja reciproke do ta qetësonte Ballkanin dhe Evropën. “Në çfarëdo takimi që kam pasur dhe do të kem me përfaqësuesit e Serbisë, njohja reciproke është tema e vetme. Çdo gjë që bisedohet me ta është në funksion të arritjes së marrëveshjes për njohje reciproke, pa cenuar integritetin teritorial apo karakterin unitar të shtetit të Kosovës. Kosova mbetet e përkushtuar për dialog, sepse është vend evropian, me orientim të qartë euro-atlantik. Nisur nga kjo qartësi e plotë e procesit, unë nuk do të hezitoj të dialogojmë, ka shkruar në mes tjerash, kryeministri, Abdullah Hoti.
