Kryetari i Bashkësisë Islame të Kosovës, Myftiu Naim ef. Tërnava priti në takim kryetarin e Shoqatës “Miqtë e Amerikës”, Agim Rexhepi. Me këtë rast Tërnava falënderoi mysafirët për vizitën dhe i njohu ata me aktivitetin dhe organizimin e Bashkësisë Islame të Kosovës, duke vënë në pah se Kosova vlerëson dhe është mirënjohëse për ndihmën dhe kontributin e pazëvendësueshëm që kanë dhënë Shtetet e Bashkuara të Amerikës për lirinë dhe pavarësinë e Kosovës si dhe për mbështetjen e Kosovës në të gjitha proceset e deritanishme. Nga ana e tij Agim Rexhepi, kryetar i Shoqatës “Miqtë e Amerikës” falënderoi Myftiun Tërnava për mikpritjen dhe e informoi për aktivitetet e Shoqatës, për projektet dhe objektivat. Myftiu Tërnava ka vlerësuar lart kontributin e Shoqatës “Miqtë e Amerikës” në forcimin e bashkëpunimit mes Kosovës dhe SHBA-ve dhe është një shembull që duhet ndjekur edhe me shtetet tjera mike të Kosovës anekënd globit.
Kontrolloni gjithashtu
Procedurat ligjore për krime të luftës, që ka kryer Serbia në Kosovë, kanë shkallë tejet të ulët të përfundimit me aktgjykime
Procedurat ligjore për krime të luftës, që ka kryer Serbia në Kosovë, vazhdojnë të kenë …