Drejtori ekzekutiv i Odës Ekonomike Amerikane në Kosovë, Arian Zeka ka vlerësuar se lejimi i qytetarëve për të përdorur një pjesë të kursimeve të tyre në trust, do të ketë efekte pozitive për ekonominë e Kosovës. Ai ka shtuar më tutje se përkundër që qarkullimi i bizneseve ka shënuar rënie mbi 1 miliard euro në pandemi, deputetët të cilët paguhen nga taksapaguesit nuk janë llogaridhënës për miratimin e planit për rimëkëmbje ekonomike që parasheh edhe tërheqjen e 10 përqind të kursimeve në Trust. Ai ka theksuar më tutje se kjo situatë duhet të shihet si mjaft shqetësuese nga ligjvënësit për dëmin që është shkaktuar nga pandemia Covid-19. Koalicioni Qeverisës duhet që të arrin një konsensus edhe me partitë tjera opozitare që të votohet Plani për rimëkëmbje ekonomike, ka porositur drejtori ekzekutiv i Odës Ekonomike Amerikane në Kosovë, Arian Zeka.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …