Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Në Kosovë janë siguruar afërisht 160 mijë doza të vaksinës kundër gripit sezonal. Aplikimi i kësaj vaksine pritet të bëhet gjatë këtij muaji. E në Qendrën Kryesore të Mjekësisë Familjare, thonë se i kanë bërë të gjitha përgatitje për dhënien e kësaj vaksine, por që aktualisht janë në pritje të marrjes së dozave të para të vaksinës kundër gripit sezonal. Ministri i Shëndetësisë, Armend Zemaj ka thënë se për këtë sezon dimërore janë duke planifikuar shumëfishim të dozave të vaksinës kundër gripit. Sami Uka, kryeshefi i Qendrës Kryesore të Mjekësisë Familjare në Prishtinë, thotë se i kanë bërë të gjitha përgatitjet e duhur në këtë drejtim. Ai thekson se kërkesat për marrjen e kësaj vaksine janë të mëdha në komunë të Prishtinës ,prandaj thotë se sa më shumë doza aq më mirë pasi në të kundërtën qytetarët detyrohen që t’i blejnë vetë./kp/
