Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ushtruesi i detyrës i drejtorit të QKUK-së, Valbon Krasniqi, ka thënë se, derisa ende nuk ka vaksinë kundër koronavirusit, mënyra më e mirë për t’u mbrojtur janë tri masa: mbajtja e distancës, vendosja e maskës dhe higjiena personale. “Meqenëse kemi të bëjmë me një sëmundje që sulmon rrugët e frymëmarrjes, atëherë këto janë masat parandaluese më efikase deri më tash”, ka thënë Krasniqi. Sipas tij, përballja me këtë pandemi kërkon mobilizimin e të gjithëve. I pyetur për idenë e dhënë nga infektologu Ilir Tolaj që pandemia apo koronavirusi largohet vetëm me infektimin e tufës, pra lënia e lirë e qarkullimit të virusit për t’u krijuar imunitetit i masës, Krasniqi ka dalë kundër këtij propozimi. Sipas tij, tjetër gjë është ata që flasin dhe japin këso idesh, e tjetër gjë është për ata që kanë përgjegjësi.
